Маҷлиси идона бахшида ба 25-умин солгарди қабули Конститутсияи Ҷумҳурии Тоҷикистон

4 ноябри соли ҷорӣ, дар толори маҷлисгоҳи суди ноҳияи Исмоили Сомонии шаҳри Душанбе ҷамъомади тантанавӣ бахшида ба ифтихори 25-умин солгарди қабули Конститутсияи Ҷумҳурии Тоҷикистон бо иштироки раиси суд Сангинзода Ғайрат, муовини раиси суд Кабирзода Сарфароз, судяҳо Исозода Хуршед, Ҳамидзода Муҳаммад, Шарофзода Баҳодур, Ширинзода Ҷурабек, Нурализода Сафарбек ва кормандони дастгоҳи суд баргузор гардид.

Дар ҷамъомади мазкур сараввал раиси суди ноҳияи Исмоили Сомонии шаҳри Душанбе Сангинзода Ғайрат кормандони судро бахшида ба ҷашни 25-умин солгарди қабули Конститутсияи Ҷумҳурии Тоҷикистон табрик намуда, аз арзиши олии ин ҷашни бузург барои мардуми шарифи Тоҷикистон ва хизматҳои шоёни Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ёдовар шуда, таманниётҳои некӣ худро иброз доштанд.

Қайд карда шуд, ки қабули Конститутсияи Тоҷикистони соҳибистиқлол, аз ҷумлаи муҳимтарин рӯйдодҳои таърихи навини халқи тоҷик ва дастоварди бузурги мардуми кишвар мебошад.

Ин неъмати бузург баробари ба даст овардан, нуру зиё, меҳру вафо, ободию озодӣ, ҳамфикрию ҳамзистӣ ва осоиштагиву абадиятро ба мардуми бузурги тоҷик ва Тоҷикистони азиз овардааст.

Дар охири ҷаласа ширкаткунандаи ҷаласа ба арҷгузорӣ ва эҳтироми муқаддасоти миллию рамзҳои давлатӣ, риояи ҳуқуқу озодиҳои инсон ва шаҳрванд, таҳкими истиқлолияти давлатӣ, ҳифзи Ватан, амният ва суботи ҷомеа, баланд бардоштани маърифатнокии ҷомеа, ҳисси баланди миллии ватандӯстӣ, худшиносиву худогоҳӣ, аз даст надодани зиракии сиёсӣ ҳидоят карда шуданд.